45 سبب يؤدى إلى الخسارة فى الفوركس ..ادخل لتعرفهم وتعالو نتناقش فيهم

[asfor_flstene]

..ادخل , نتناقش , لتعرفهم , الخسارة , الفوركس , ينجح , فيهم , وتعالو

45 سبب يؤدى إلى الخسارة فى الفوركس ..ادخل لتعرفهم وتعالو نتناقش فيهم

بسم الله الرحمن الرحيم
السلام عليكم يا اعضاء حورس
الموضوع كما فى العنوان
ولكن
ما اكثر المواضيع التى تتكلم عن اسباب الخساره فى الفوركس
وكل الردود على الموضوع
(مشكور-موضوع مميز-جزاك الله خيرا-وديع-استاذ اجدد ردين)
موضوع النهارده هيبقى مختلف شويه
هنقول اول 10 من الاسباب اللى بتخلينا نشد شعرنا اول ما نخسر
واحنا لا عرفين خسرنا ليه ولا ازاى
بس كل سبب انا هسيب تحته فراغ
والمطلوب منكم
تعمل رد مع اقتباس
وتعلق تعليق على كل سبب من الاسباب العشره الى هنبدأ بيهم
واحد يقولى طيب هاكتب ايه....ادينى عرفت السبب
هقولك
اكيد السبب ده حصل معاك قبل كده...احكيلنا حصل معاك ازاى..واتكلم براحتك محدش هيوقفك...ومتخفش ...من ان يكون السبب تافه وانت وقعت فيه....قول وفيد باقى الناس
ازاى اتصرفت بعد الخساره.....مهم جدا نعرف
ولما الاقى ردود مشجعه...ندخل على ال 10 اللى بعديهم حتى انتهاء ال45 سبب بتوعنا
بس ياريت اللى مش هينفذ اللى قولنا عليه
بلاش يكتب رد من الردود اللى قولناها دى
علشان كفايه
جه الوقت اللى نتفاعل فيه مع المواضيع
ونتناقش بحريه
من غير ما نخاف من ان حد يتريق على رد من الردود (نفسى حد يعملها وانا اعصره وانزل منه اعضاء موقوفين)
اتشجع وقول رايك
وطبعا المحترفين مطلوبين معانا هنا
رايكم يهمنا

مش هطول عليكم
ونبدأ باول 10 اسباب سبب فى خساره 95 % ممن يخسرون فى تجارة الفوركس

على بركة الله

• نقص المعرفة ( )
• عدم التركيز اثناء المتاجره( )
• الطمع( )

• الاعتماد على الاخرين فى المتاجره( )
• اهمال الاستوب لوز لغير المحترفين ( )
• العمل بدون خطه متاجره مدروسه( )
• التجارة على المدى القصير جدا( )
• التردد فى اتخاذ قرار بالبيع او الشراء او الخروج( )
• انعدام الثقة فى تحليلك الشخصى والتشتت وراء الاخرين ( )

• عدم وجود الشجاعة لتحمل الخساره ( )

اسيبكم تعلقوا

تحياتى
تم تحديث 10 اسباب اخرى بالصفحة رقم 2 من الموضوع

الموضوع الأصلي: 45 سبب يؤدى إلى الخسارة فى الفوركس ..ادخل لتعرفهم وتعالو نتناقش فيهم || الكاتب: asfor_flstene || المصدر: منتديات اف اكس حـــورس - بورصة العملات والاسهم

www.fxhorus.com

المصدر: منتديات اف اكس حورس

[malekzayed]

بسم الله الرحمن الرحيم
انا هتكلم عن نفسي
(1) نقص المعرفة ده اساسي لانى استعجلت فى المتاجرة بحساب حقيقى حيث ان فترت الحساب التجريبى لم يمر عليها اكثر من شهر وكمان حساب مينى يعنى النقطة بدولار..
(2) الطمع فى بعض الاحيان .. بكون محدد هدف لنفسي ولما يقرب من الهدف ازحزح الهدف قدام شوية. وللاسف السعر يرتد لحد ما اقفل على خسارة
(3) الخوف من زيادة الخسارة فبقفل الصفقة قبل الستوب بشوية صغيرين وانو عارف الباقى طبعا والله السعر بيروح للهدف بعدها بكام ساعة.
(4) انعدام الثقة فى تحليلاتى بمجرد انعكاس السعر فبقفل على خسارة احيان كتير.
(5) لما صفقة تربح بدخل صفقة بعدها على طول
انما فى حالة الخسارة بعزز مرة او اتنين وللاسف مش باخد بالى من ادارة رأس المال تحت ضغط الخساير فالنتيجة بتكون كارثية وحصلت معايا مرة خسرت اكتر من 550 دولار من اصل حساب 1800 دولار فى صفقة وحدة مع التعزيز طبعا

ونكمل بعدبن ان شاء الله

[asfor_flstene]

المشاركة الأصلية كتبت بواسطة malekzayed

بسم الله الرحمن الرحيم
انا هتكلم عن نفسي
(1) نقص المعرفة ده اساسي لانى استعجلت فى المتاجرة بحساب حقيقى حيث ان فترت الحساب التجريبى لم يمر عليها اكثر من شهر وكمان حساب مينى يعنى النقطة بدولار..
(2) الطمع فى بعض الاحيان .. بكون محدد هدف لنفسي ولما يقرب من الهدف ازحزح الهدف قدام شوية. وللاسف السعر يرتد لحد ما اقفل على خسارة
(3) الخوف من زيادة الخسارة فبقفل الصفقة قبل الستوب بشوية صغيرين وانو عارف الباقى طبعا والله السعر بيروح للهدف بعدها بكام ساعة.
(4) انعدام الثقة فى تحليلاتى بمجرد انعكاس السعر فبقفل على خسارة احيان كتير.
(5) لما صفقة تربح بدخل صفقة بعدها على طول
انما فى حالة الخسارة بعزز مرة او اتنين وللاسف مش باخد بالى من ادارة رأس المال تحت ضغط الخساير فالنتيجة بتكون كارثية وحصلت معايا مرة خسرت اكتر من 550 دولار من اصل حساب 1800 دولار فى صفقة وحدة مع التعزيز طبعا

ونكمل بعدبن ان شاء الله

الله واحد ملوش تانى
خير خير
ادى احد الاعضاء المحترمين سمع كلامنا
شكر اخى العضو
وفعلا من اكثر الاسباب هوا الطمع + الصبر على الخساره عل انعكاسه لربح+التسرع بعد الربح او الانتقام من السوق عند الخساره
اسباب مرت بنا جميعا
فينا من مرت معه بسلام
ومنا من مرت ومازلت تمر وتاخ> من الحساب كل ما لد وطاب
شكرا مرة اخرى اخى العضو على الرد الجميل
بس تعتقد انك اتعلمت من الوقوع فى الاخطاء دى
طيب قدرت تعالج بعضها
ولا لسه برده بتتكرر معاك
فى انتظار ردك
ورد وتعليق باقى الاعضاء على الكلام
تحياتى

[mourad mansour]

تحيه طيبه على صاحب المنتدى والمشرفين المجتهدين والأعضاء الكرام
موضوع جميل الواحد يقدر يعبرعن نفسو وممكن يتعلم من اخطائو ونبدأ
*بنقص المعرفه
في البدايه زي أي واحد بدأت بقرائة ما هو الفوركس وبدات تجاره بحساب بسيط وخسرتو طبعا زعلت جدا وبدات بعد كده في دراسه التحليل الفني وتحليل الشموع اليابانيه وبعض القرائات الأخرى
*عدم التركيز اثناء المتاجره
الوقوع تحت التأثيرالنفسي ان صح فهمي وهو من وجهة نظري يحتل 75%من المتاجره وهو السبب الثاني في خسارة حسابي الثاني وربنا يستر على الثالث
*الطمع
أن الأحلام والطموحات هي التي جعلتني أدخل الصفقات بأكثر من 65% من الحساب اي المارجين رغم ان يكون في الغالب تحليلي صحيح ولكن الفري مارجين لم يكن كافي
أي أن ترك الشخص العنان للثراء السريع لن يحقق شىء في الفوركس
*الاعتماد على الاخرين فى المتاجره
أما هذا السبب كان خير بالنسبه لي أذ يعتبرتوجيه عن معرفه أذ كنت أعتمد على التوصيات ولكن بمعرفتي الصغيره كنت أحلل التوصيه بعد الطلاع على الأخبار وأتعلم منها. وفي بعض الحيان القليله جدا لم اعمل بالتوصيه لمخالفتها رايي الشخصي
*اهمال الاستوب لوز لغير المحترفين
أنا لم اضع ستوب لوز في متاجرتي أن لم يوافقني الكثير ولكن مع أداره راس المال الجيده بأعتبر الصفقه في حالة الخساره (سوينج) مع متابعتها والوصول الي أفضل النتائج
العمل بدون خطه متاجره مدروسه
حتى الأن لم أضع خطه مدروسه لمتاجرتي ولكن فقط الألتزام بشروط التوصيات أذ بها أداره جيده لرأس المال
التجارة على المدى القصير جدا
وهو أخطف واجري أن صح فهمي وهو أسهل الطرق لتصفيه الحساب لعدم الخبره والخوف من الخساره والوقوع تحت العناد لتعويض الخساره وهذا ما كان يحصل مع في بدىء المر
*التردد فى اتخاذ قرار بالبيع او الشراء او الخروج
عن تجربتي التردد يكون بسبب الخوف من فقد الحساب وعدم تقبل الخساره رغم صحة التحليل وعند التجربه في حساب ديمو أقول (يرتني كنت دخلت) أما عن الخروج من الصفقه عند المكسب أقول أسبها للحصول على مكسب اكثر وفي الغالب يحصل العكس وأيضا في الخساره العناد في تعويض الخساره بدون فهم ولكن عند وضع تاك بروفت حلت مشكله الخروج من الصفقه وعدم التفكير في المزيد
انعدام الثقة فى تحليلك الشخصى والتشتت وراء الاخرين
خبرتي في الفوركس سنه تقريبا ولم استطيع الوصول الي القدر الذي اعتمد به على نفسي ولذلك أعتمد الي حد ما على خبراء مع التعلم من تحليلاتهم وتجربتها
عدم وجود الشجاعة لتحمل الخساره
الثقه بنجاح الصفقات هو الذي يجعلني أتقبل الخساره

[Dr.forex]

• نقص المعرفة ( )
• ده شئ اكيد دخلت على طول على حساب حقيقي بدون ما افتح حساب تجريبي وبقيت اشتغل وانا بقرا بين المواضيع في كل المنتديات .. وكل ما موضوع يعجبني ادخل اطبقه بدون ما افكر .. علشان كده اتعلمت وبقيت اقرا كتير واجرب على التجريبي الاول قبل ما اعمل اي حاجة .. بس بيني وبينك برده بخسر مش عارف ليه لأن مهما الواحد اتعلم اكيد بيفضل جاهل
• عدم التركيز اثناء المتاجره( )
• ما افتكرش ..
• الطمع( )
• نعم ثم نعم ثم نعم .. اكون مثلا راضي بـ 25 نقطه اقول ما هي الحياه حلوه والدنيا مشيه زي الفل خلينا شويه .. الشويه دي تلاقي كل حاجة راحت وعايز اقولك ان في اوقات المارجن كان بيضرب عندي بسبب الطمع ده .. هو يمكن قل شويه عندي بس اكيد لسه الاحساس بالطمع موجود

• الاعتماد على الاخرين فى المتاجره( )
• لأ مش بيحصل خالص اني اعتمد على حد في رأيه ساعات كتير بحس انه غلط وفعلا بيطلع غلط .. وكل واحد له وجهة نظر لازم تحترم
• وانا كان في مره راهنت على واحد على بيبسي على ان اليورو هينزل وهو كانت وجهة نظره انه هيطلع وجاب شارتات وقلب الدنيا .. وفي الاخر نزل لما اتكسرت رأقبته ( وبردو البيبسي ما جاش )
• اهمال الاستوب لوز لغير المحترفين ( )
• انا ليا وجهة نظر في موضوع الاستوب ده بصراحه هو سلاح ذو حدين ممكن في اوقات يكون ضدك واوقات كتييييييير بيكون معاك . بس انا شايف انه لو مش متأكد من صفقتي خليني احط استوب احسن .. بس
• العمل بدون خطه متاجره مدروسه( )
• عملت بس ظروف السوق ما خلتنيش امشي عليها ولا مره
• التجارة على المدى القصير جدا( )
• هي حلوه واريح .. بس بتجي الريح تشيل كل اللى انت عملته في لحظه
• التردد فى اتخاذ قرار بالبيع او الشراء او الخروج( )
• ساعات .. وفعلا الواحد بيندم اكتر على عدم الخروج .. ويمكن حصلت معايا مرتين اني ندمت على عدم الخروج وفعلا السعر ما وصلش مره تانيه خالص بعد اللحظه دي .. وكانت خسارتي بعد ما شفت ربح بعيني
• انعدام الثقة فى تحليلك الشخصى والتشتت وراء الاخرين ( )
• لأ الحمد لله ساعات كتير بعتمد على رايي والحمد لله بنجح فأعتقد ان السبب ده ما كانش فيه خساره ليا خالص

• عدم وجود الشجاعة لتحمل الخساره ( )
• ومين بس يقدر يتحمل الخساره دلوقتي يا باشا ... لو في فلوس زياده عند الواحد مش هتفرق

[asfor_flstene]

المشاركة الأصلية كتبت بواسطة mourad mansour

تحيه طيبه على صاحب المنتدى والمشرفين المجتهدين والأعضاء الكرام

موضوع جميل الواحد يقدر يعبرعن نفسو وممكن يتعلم من اخطائو ونبدأ
*بنقص المعرفه
في البدايه زي أي واحد بدأت بقرائة ما هو الفوركس وبدات تجاره بحساب بسيط وخسرتو طبعا زعلت جدا وبدات بعد كده في دراسه التحليل الفني وتحليل الشموع اليابانيه وبعض القرائات الأخرى
*عدم التركيز اثناء المتاجره
الوقوع تحت التأثيرالنفسي ان صح فهمي وهو من وجهة نظري يحتل 75%من المتاجره وهو السبب الثاني في خسارة حسابي الثاني وربنا يستر على الثالث
*الطمع
أن الأحلام والطموحات هي التي جعلتني أدخل الصفقات بأكثر من 65% من الحساب اي المارجين رغم ان يكون في الغالب تحليلي صحيح ولكن الفري مارجين لم يكن كافي
أي أن ترك الشخص العنان للثراء السريع لن يحقق شىء في الفوركس
*الاعتماد على الاخرين فى المتاجره
أما هذا السبب كان خير بالنسبه لي أذ يعتبرتوجيه عن معرفه أذ كنت أعتمد على التوصيات ولكن بمعرفتي الصغيره كنت أحلل التوصيه بعد الطلاع على الأخبار وأتعلم منها. وفي بعض الحيان القليله جدا لم اعمل بالتوصيه لمخالفتها رايي الشخصي
*اهمال الاستوب لوز لغير المحترفين
أنا لم اضع ستوب لوز في متاجرتي أن لم يوافقني الكثير ولكن مع أداره راس المال الجيده بأعتبر الصفقه في حالة الخساره (سوينج) مع متابعتها والوصول الي أفضل النتائج
العمل بدون خطه متاجره مدروسه
حتى الأن لم أضع خطه مدروسه لمتاجرتي ولكن فقط الألتزام بشروط التوصيات أذ بها أداره جيده لرأس المال
التجارة على المدى القصير جدا
وهو أخطف واجري أن صح فهمي وهو أسهل الطرق لتصفيه الحساب لعدم الخبره والخوف من الخساره والوقوع تحت العناد لتعويض الخساره وهذا ما كان يحصل مع في بدىء المر
*التردد فى اتخاذ قرار بالبيع او الشراء او الخروج
عن تجربتي التردد يكون بسبب الخوف من فقد الحساب وعدم تقبل الخساره رغم صحة التحليل وعند التجربه في حساب ديمو أقول (يرتني كنت دخلت) أما عن الخروج من الصفقه عند المكسب أقول أسبها للحصول على مكسب اكثر وفي الغالب يحصل العكس وأيضا في الخساره العناد في تعويض الخساره بدون فهم ولكن عند وضع تاك بروفت حلت مشكله الخروج من الصفقه وعدم التفكير في المزيد
انعدام الثقة فى تحليلك الشخصى والتشتت وراء الاخرين
خبرتي في الفوركس سنه تقريبا ولم استطيع الوصول الي القدر الذي اعتمد به على نفسي ولذلك أعتمد الي حد ما على خبراء مع التعلم من تحليلاتهم وتجربتها
عدم وجود الشجاعة لتحمل الخساره

الثقه بنجاح الصفقات هو الذي يجعلني أتقبل الخساره

هيه دى الاعضاء اللى زى الفل اللى بتسمع الكلام
فعلا اخى العضو افدتنا كثيرا بتعليقك على كل سبب من الاسباب
بس اخى
السبب الرابع وهوا الاعتماد على الاخرين انت بتقول انه كويس ليك لانك على حد تعبيرك بتستفيد من اراء الناس وبتحاول تمشى مع اللى يناسب وجه نظرك
لكن
ماذا لو اعتمدت على هذه الاراء على إناس على غير علم جيد وقليلو الخبره
وطبعا فى هذه الحاله انا بتكلم على انى لسه مبتدء وبعتمد على ناس معرفش انهم مش من ذوات العلم او الخبره
يبقى ايه العمل
ليس كل اعتماد على الاخر جيد
يجب الاعتماد على النفس اكثر من اى شىء اخر
اما بالنسبه لسبب السادس وهوا عدم العمل بخطه مدروسه
على المضارب الناجح ان يعمل دائما بخطه مدروسه ومحكمة
يحدد بها ربحه ....عقوده.....المده....وهم شىء الالتزام بهذه الخطه واركانها
وتطويرها مع الزمن طبقا لتغير مجريات السوق اول بأول
شكرا ليك يا باشا ومعلش تعبناك معانا
ومستنى برده ردك على ملاحظاتى ليك
تحياتى

[mohammedfx]

بعد اذنكم جميعا

كلنا والحمد لله اساتذة وعباقرة ونعرف اسباب الخسارة من الالف الى الياء

السؤال الاهم : من منا يستفيد من الاخطاء الكثيرة التى نقع فيها امام الشارت ومن منا يلتزم فعليا امام الشارت ؟؟

اتمنى وجود جواب من انسان شديد الالتزام

[asfor_flstene]

المشاركة الأصلية كتبت بواسطة Dr.forex

• نقص المعرفة ( )
• ده شئ اكيد دخلت على طول على حساب حقيقي بدون ما افتح حساب تجريبي وبقيت اشتغل وانا بقرا بين المواضيع في كل المنتديات .. وكل ما موضوع يعجبني ادخل اطبقه بدون ما افكر .. علشان كده اتعلمت وبقيت اقرا كتير واجرب على التجريبي الاول قبل ما اعمل اي حاجة .. بس بيني وبينك برده بخسر مش عارف ليه لأن مهما الواحد اتعلم اكيد بيفضل جاهل
• عدم التركيز اثناء المتاجره( )
• ما افتكرش ..
• الطمع( )
• نعم ثم نعم ثم نعم .. اكون مثلا راضي بـ 25 نقطه اقول ما هي الحياه حلوه والدنيا مشيه زي الفل خلينا شويه .. الشويه دي تلاقي كل حاجة راحت وعايز اقولك ان في اوقات المارجن كان بيضرب عندي بسبب الطمع ده .. هو يمكن قل شويه عندي بس اكيد لسه الاحساس بالطمع موجود

• الاعتماد على الاخرين فى المتاجره( )
• لأ مش بيحصل خالص اني اعتمد على حد في رأيه ساعات كتير بحس انه غلط وفعلا بيطلع غلط .. وكل واحد له وجهة نظر لازم تحترم
• وانا كان في مره راهنت على واحد على بيبسي على ان اليورو هينزل وهو كانت وجهة نظره انه هيطلع وجاب شارتات وقلب الدنيا .. وفي الاخر نزل لما اتكسرت رأقبته ( وبردو البيبسي ما جاش )
• اهمال الاستوب لوز لغير المحترفين ( )
• انا ليا وجهة نظر في موضوع الاستوب ده بصراحه هو سلاح ذو حدين ممكن في اوقات يكون ضدك واوقات كتييييييير بيكون معاك . بس انا شايف انه لو مش متأكد من صفقتي خليني احط استوب احسن .. بس
• العمل بدون خطه متاجره مدروسه( )
• عملت بس ظروف السوق ما خلتنيش امشي عليها ولا مره
• التجارة على المدى القصير جدا( )
• هي حلوه واريح .. بس بتجي الريح تشيل كل اللى انت عملته في لحظه
• التردد فى اتخاذ قرار بالبيع او الشراء او الخروج( )
• ساعات .. وفعلا الواحد بيندم اكتر على عدم الخروج .. ويمكن حصلت معايا مرتين اني ندمت على عدم الخروج وفعلا السعر ما وصلش مره تانيه خالص بعد اللحظه دي .. وكانت خسارتي بعد ما شفت ربح بعيني
• انعدام الثقة فى تحليلك الشخصى والتشتت وراء الاخرين ( )
• لأ الحمد لله ساعات كتير بعتمد على رايي والحمد لله بنجح فأعتقد ان السبب ده ما كانش فيه خساره ليا خالص

• عدم وجود الشجاعة لتحمل الخساره ( )
• ومين بس يقدر يتحمل الخساره دلوقتي يا باشا ... لو في فلوس زياده عند الواحد مش هتفرق

شكرا اخى على اهتمامك بالرد على الموضوع الرد المطلوب
بالنسبه للسبب العاشر وهوا عدم وجود شجاعة تحمل الخساره
انا اقصد بالسبب ده ان فيه ناس كتير تقولك لا الصفقة خسرانه اقفلها دلوقتى احسن ما تخسر اكتر من كده
ويبقى تحليله صح ونقط دخوله قويه
ولكنه اول ما شاف الصفقة سلبت...هوب اقفل الصفقة
ومفيش شويه والسعر يبدأ يعكس ويتحسر ويغنى ظلموه
وفيه ناس تانيه برده
بتصبر على الخساره اوى
السعر يفضل يسلب معاه اكتر واكتر
ويقولك هانت
هيرد دلوقتى
واديها تعزير
فى التانى
وهوب
مارجن يا معلم
الحنكة فى انك تعرف متى سيتجه السوق كما توقعت
وتتحمل اساليبه لتغير قرارك
وبعدها
اضمن لك انك على الطريق الصحيح للهدف
شكرا على ردك يا باشا ومستنى ردك على ملاحظاتى ليك
تحياتى

[Dr.forex]

المشاركة الأصلية كتبت بواسطة asfor_flstene

شكرا اخى على اهتمامك بالرد على الموضوع الرد المطلوب
بالنسبه للسبب العاشر وهوا عدم وجود شجاعة تحمل الخساره
انا اقصد بالسبب ده ان فيه ناس كتير تقولك لا الصفقة خسرانه اقفلها دلوقتى احسن ما تخسر اكتر من كده
ويبقى تحليله صح ونقط دخوله قويه
ولكنه اول ما شاف الصفقة سلبت...هوب اقفل الصفقة
ومفيش شويه والسعر يبدأ يعكس ويتحسر ويغنى ظلموه
وفيه ناس تانيه برده
بتصبر على الخساره اوى
السعر يفضل يسلب معاه اكتر واكتر
ويقولك هانت
هيرد دلوقتى
واديها تعزير
فى التانى
وهوب
مارجن يا معلم
الحنكة فى انك تعرف متى سيتجه السوق كما توقعت
وتتحمل اساليبه لتغير قرارك
وبعدها
اضمن لك انك على الطريق الصحيح للهدف
شكرا على ردك يا باشا ومستنى ردك على ملاحظاتى ليك
تحياتى

كلامك صح وبالنسبة للنقطه دي ممكن اكون فعلا ساعات كتير بعملها
وخصوصا الاستعجال في قفل الصفقه وممكن تكون اساسا ما وصلتش للاستوب اللى انا ممكن اكون قابله
وبعد ما اقفلها يادوب عايز اقولك بنقطه او اتينن بالكتير 6 نقط يرجع تاني زي الفل ويجيب الهدف
علشان كده بقيت اقفل الجهاز بعد كل صفقه بفتحها واللى عايزه ربنا هيكون

[مصري أصيل]

موضوع ممتاز و انا سعيد بأن الجميع يناقش الامر ده لانه اول طريق الربح ان شاء الله.
ابعاد العواطف عن التجاره من اهم العوامل التي تؤدي الي الربح (خلي قلبك جامد). الالتزام بأسترايجيه معينه و عدم تغييرها بعد فتح العقد ايضا من اهم اسباب النجاح.
علي العموم سوف اتحدث عن كثير من هذه الامور في خلال المحاضره التي سوف القيها في القاهره في شهر مايو القادم ان شاء الله

مع تحياتي
امجد عطيه