أولا: ده واحد راضي بقضاء ربنا ومبيعترضش .. يعني تلاقيه بقاله خمسين سنه نفسه الزمالك ياخد الدوري ومبياخدهوش وعادي جدا مبيعترضش.
ثانيا: عنده حصانه ضد الضغط والسكر، لأنه لو كان عنده استعداد يجيله ضغط أو سكر كان جاله... من زمان.
ثالثا: أصيل، يعني بقاله سنين بيشجع الزمالك وعارف انه مش هياخد الدوري، ومع ذلك عمره ما فكر يسيبه فصدقيني مهما عملتي ومهما كانت عيوبك مش هيفرط فيكي.
رابعا: متسامح، يعني تلاقي أصحابه الأهلاوية كل شوية يعايروه، وتلاقيه مبيردش عليهم، مش عشان عينه مكسوره لا سمح الله بس عشان قلبه كبير.
خامسا: مختلف، يعني مصر كلها بتشجع الأهلي وده طالعلك فيها بيشجع الزمالك وعادي جدا، معندوش أي مشكله وده في حد ذاته تميز واختلاف.
سادسا: هيلتمسلك الأعذار، يعني مثلا يبقي عارف إن الزمالك كان أداؤه زي الزفت ومع ذلك ميحبش يلوم عليه أبدا، تلاقيه بيقولك التحكيم، مش عشان حاجه بس هو طبعه كده يحب يلتمس الأعذار لأي حد.
سابعا: مبيعرفش اليأس، يعني تلاقيه واخد أصحابه ورايحين يشجعوا الزمالك في الاستاد، ومع إنه كل مرة بيخسر، إلا انه مبييأسش، كل مرة بيروح يشجع علي أمل إنه يكسب.
يا سلام عليك يا عصام مش عارف و انا باقرأ الكلام ده كأنك بتتكلم على صقر بالظبط
هههههههههههههههههههههههههههههههههههههههه
و عموما يا عصام انت كتبت و انا هاوصل الموضوع ده لخطيبه صقر ان شاء الله فى جواب مسجل بعلم الوصول
حبيبي يا صقوره
التوقيع
اللهم انت ربى لا اله الا انت عليك توكلت و انت رب العرش العظيم * ماشاء الله كان و ما لم يشأ لم يكن و لا حول و لا قوه الا بالله العلي العظيم * أعلم أن الله على كل شيء قدير و أن الله احاط بكل شيء علما * اللهم انى اعوذ بك من شر نفسي و من شر كل دابة انت اخذ بناصيتها * اني ربي على صراط مستقيم
Ahmed M Gharib Financial & Tecnical Analyst - Foreign Exchange Markets (FOREX) and Stocks. ICTA ( International Chamber of Technical Analysis ) Member
رساله الي البنات ..فوائد الزوج الزملكاوي!!!!
رد: رساله الي البنات ..فوائد الزوج الزملكاوي!!!!
العرض العادي
