من منا يكتفى ومؤمن برزقه

[محارب الفوركس]

برزقه , يكتفى , ومؤمن

من منا يكتفى ومؤمن برزقه

السلام عليكم

لفت نظري طريقة الناس في التفكير بخصوص الربح والخسارة في الفوركس

اي شخص داخل عالم الفوركس نفسة يحقق 1000% في 10 ايام وفي ناس بقالة مدة نفسها تحقق 100%

وفي ناس بترضي ب 10% في الشهر في ناس تانية بقي معاة فلوس ومش فاهمة فوركس خالص تبدأ

تشوف حد يديرلها الحساب وياخد نسبة والانسنا طماع بيبقي نفسة وممكن كمان يجيب هدية للراجل الي

بيدير الحساب علشان يركز في الحساب اكتر والنسبة تزيد ويفضل يقرب منه وكل شوية يتصل بيه

علشان يركزلزا في الحساب اكتر والفلوس تزيد



طيب عمر حد فكر بقي ان دة رزق الله سبحانة وتعالي

قال رسول الله صلي الله علية وسلم :

:" لو أنكم توكلتم على الله حق توكله لرزقكم كما يرزق الطير تغدو خماصاً و تروح بطاناً " رواه أحمد و الترمذي

يعني ما علي الانسان الي السعي والتوفيق والرزق دة من عند ربنا

مش عمرك كنت قاعد كدة قدام صفقة وكنت هتدخل بيع مثلا وقمت ومفتحتش الصفقة ورجعت لقيت

السعر نزل 200 نقطة او 400 نقطة وقعدت تقول يارتني كنت دخلت وزعلت قوي الفكرة ان ربنا مش

كاتبلك الرزق دة وفي ناس تانية بتدخل بالبركة وبتجي معاة علشان ربنا كاتب رزقة


ياريت الانسان بقي لما يكسب كتير يقدم هدية لربنا زي مكنا بنقدمها للناس

ومتقلقش لو رزقك انك تكسب مليون دولار فهو هاجيلك هاجيلك سواء من الفروكس او من اي حاجة

تانية

الموضوع الأصلي: من منا يكتفى ومؤمن برزقه || الكاتب: محارب الفوركس || المصدر: منتديات اف اكس حـــورس - بورصة العملات والاسهم

www.fxhorus.com

المصدر: منتديات اف اكس حورس

[يحيى شرف]

صح يا محارب والله كلامك 100% سليم

وفعلا لو الواحد رضى باللى مكتوبله هيعيش سعيد


بس نقول ايه دي حال الانسان ومينفعش يتغير

تسلم الايادي محارب

[محمد الدمنهورى]

مشكلة الانسان الطمع
الطمع ده بيعمينا
اللى معاه 10000 دولار
عايز يخليهم فى يوم 100000 دولار

كل حاجه بالصبر تتحقق
لا عجالة فى الرزق ولا شفاعة فى الموت

[essam elsherbeny]

موضوع جمييييييييييل يا محارب
فعلا كل واحد رزقه مكتوب عند ربنا ...لو حد عمل المستحيل عشان ياخد رزق ربنا كتبهولك انت عمره ما هيقدر ياخد منه حاجه ...وانت عمرك ما هتقدر تاخد رزق حد ربنا كتبه لغيرك سبحانك يارب
بس للاسف الانسان مش فاهم كده وبنلاقي الناس بتموت بعضها عشان الفلوس
ربنا يرحمنا جميعــــــــا

[drlove]

الناس انواع ونفوس ولو كل واحد يرضى برزقه ويقتنع بيه مكنش دة بقى حال الناس

[mhulkman3000]

عندك حق

[Ҳҳ ĐŔ. ĄнмεĐ ҳҲ]

والله الطمع ده مشكلة كبيرة لو الواحد يخلص منه هيتغير للأحسن وكتيييييييير قوي
وطبعا صعب نتخلص منه .. يبقى عايزين نتعامل معاه بالقناعة ..
ده مش كلام انشا وخلاص .. انا بقول الكلام ده وحصل معايا حوار مع المجنون هو اللي خلاني اتكلم ..

اشتريت المجنون في بداية الفترة الاسيوية وكنت ناوي ابيعه مع بداية الاوربي وكان محقق معايا 110 نقطة
بس طمعت جدا وقلت في نفسي شكلها هتجيب اكتر .. أمنت نفسي وعملت استوب نقطة الدخول .. وللأسف انضرب في شمعة واحدة
وبعدين طلع تاني عند مستويات الـ 100 نقطة اللي كان عليها قبل الاستوب ..

انا حبيت اقول الكلام ده معاكم عشان نتعلم من بعض ومش لازم كل واحد يجرب الخطأ عشان يتعلم منه
والافضل اننا نبدأ من حيث غيرنا انتهى ..

وبشكر صاحب الموضوع على هذا الموضوع القديم المهم ولازم يتجدد ظهوره كل فترة لأننا بننسى

الخوف والطمع وجهان لعملة واحدة ----> الخسارة

[ياسر محمد]

الحمد لله علي كل شئ

[hytham mohmmed]

فعلا يا محارب انت جبت الزتونة بتاعت الموضوع تسلم ايديك فعلا الرضا هو سر النجاح ليس في الفوركس بل في الحياه كلها
قال الله تعالى في الحديث القدسي
( يا ابن آدم ، عندك ما يكفيك ، وأنت تطلب ما يطغيك . . لا بقليل تقنع ، ولا بكثير تشبع .. إن أنت أصبحت معافى في جسدك ، آمناً في سربك ، عندك قوت يومك ، فقل على الدنيا العفاء )

كتاب حتى تكون أسعد الناس للشيخ الدكتور عائض القرني

[احمد غريب]

صح يا محارب كلامك الله ينور
الطمع ده مشكله كل انسان فى السوق ده
الحمد لله على كل شيء